KCK-ê êrîşa hemberî hunermendê esilkurd Ibrahîm Tatlisesî bi daxuyaniyekê şermezar kir.

KCK-ê di daxuyaniya xwe de destnîşan dike ku Tatlises li hemberî Tevgera azadîxwaz xwedî helwestek hurmetkar bû ye, her hewl daye ku zirarekê nede wê û mirovek welatperwer e.

KCK di derheqê êrîşê de jî dibêje, li bajarek weka Stembolê êrîşek werê bêyî alikarî û hîmaya dewletê nemumkin e.

KCK bersîva îdîayaên ku xwedê giravî êrîş karê PKK-ê ye jî dide û destnîşan dike ku di 30 salên bohirî de PKK-ê êrîşî tu hunermendekî nekiriye û medya tirk bi vê yekê dixwaze Tevgera kurd ya azadîxwaz weka rêxistinek terorîst nîşan bide.

Weka tê zanîn beşek ji medya tirk hê çend saet di ser êrîşa hemberî Tatlisesî derbas nebibû, îdîa kir ku êrîş karê PKK-ê ye û di êrîşê de bikaranîna kelşînkofa weka diyardeya îdîaya xwe nîşan da.