11ê Rebendan a 2012/17:00

Navenda Nûçeyan
BDP-HAK-PAR-KADEP-ÖSP-DTK-TEVKURD-TDŞK, ji bo makeqanûnek demokratik bê avakirin li ser "Pêşnûmeya Makeqanûnê" pêşniyarên xwe ji raya giştî re parve kirin. Partiyên kurdan di pêşnûmeyê de xwestin ku nasnameya gelê kurd bê naskirin, partî û rêxistinên kurdan bi navê kurd û Kurdistanê bê mîsogerkirin.

Daxuyaniya hevbeş weha ye;

JI RAYA GİŞTÎ RE

Devleta Komariya Tirkiyeyê, nêzîkî asirekiye ku ji bo hebûna wê ya Dewleta neteweyî, li dijî wan alî û birên ku li ser erdnigariya anatolyayê dijîn û Tirk- Sunî nînin, politikayên red û inkarkirinê meşandi ye.

Di serî de Gelê Kurd, ew hemû netew û bavermendiyên cuda, bi şêweyekî bê însafî bi çerxa helandin û tunekirinê re rûbirû hatine hiştin. Di hemû  makezagon û yasayan de hemû netew û bavermendiyên din hatine redkirin; sîstem, bi piştgiriya politikayên serdestî û stemkariyê li gor esasên "Tirkîtî” û "Neteweya Tirk”, hatiye birêvebirin. Ji naw wê hebûna pirolî û pirneteweti ya Osmaniyan "Netewa Tirkîtî” hat afirandin an bi darêzorê hat çêkirin. Hin deman bi riya çûntayên eskerî, bi berdewamî jî ew siyaseta kevneperest ku bi şêwe û hêza serdestî û bi yasayên nedemokratik hatiye meşandin, civakê, bitaybet jî  Gelê Kurd xistiye nav êş, azar û wendeyiyeke mezin ku telefikirina wê nehêsan e.

Berxwedan û serhildana mafdar ya ji bo bidestxistina mafên xwe yên rewa ya Gelê Kurd, herdem bixwîn û şidetê hatiye serkutkirin. Şik tune ye ku daxwazên wan birên din jî kêm zêde bi vî awayî hatiye meşandin.

Em dikarin bêjin ku di encama wan politikayên serdest û nebûna demokrasiyê de tu aliyên civakê ku bedelên giran nedabin, nema ne.

Mixabin li gel wê bedêlê, êş û azarê, qonaxa ku em niha lêne, Dewleta Komariya Tirkiyeyê xwe negîhandiye demokrasiyeke birêkûpêk, pêngavên bingehîn ya ji bo afirandina civakeke wekhev û azad neavêtî ye.

Ger ku em li gor nirxandina zîhniyeta guharbar ifade bikin; gelên me li seranserê diroka Komarê, cara yekemîn, bi firseta çêkirina makezagoneke demokratik re rûbirû ye. Ev firseta girîng û dîrokî ku em ji bo careserkirina pirsa Kurdî bi şêweyên demokratik û aştiyane bilêvdikin, dibe ku ji bo çêkirina bingeha hêviyên civakeke azad û wekhev bê veguhastin.

Ew firseta hanê jî, ji bo ku li gor rastiyên civakê bê bikaranîn; bi îradeya hevbeş ku mafê hemû aliyên civakê xistiye bin garantiyê, mumkun e.

Em wek Partî û tevgerên siyasî yên Kurd, diyardikin ku di pêvajoya çêkirina Makezagona Nû de dilsozî û yekhelwestiya xwe ya ji bo Mafên Demokratik û Neteweyî ya Gelê Kurd, emê  bi rêkûpêk beşdar bibin.

Em wek muxalefeta demokratik ya Kurd, ji bo egera jiyanek bextane û birûmet, azad û wekhev ya gelê me, dixwazin ku di pêvejoya çêkirina Makezagona Nû de yekhelwestî û dilsoziya xwe, ji rayagiştî re parve bikin.

Ji aliyê din ve, em wek partî û tevgerên siyasî yên Kurd ku li jêrê îmzeyê me hene, di Makezagona Nû de;

-          Naskirina pênasa Gelê Kurd û garantîkirna wê,

-          Divê mafê rêxistinkirinê li gor standartên navneteweyî bên çesbandin,  bi navê Kurd û Kurdistan, avakirina partî û rêxistinên siyasî bê garantîkirin,

-          Divê perwerdehiya resmî ya zimanê Kurdî di nav de, li her aliyê jiyanê serbest bikaranina wê û di her astê de perwerdeyî û hîndekariya zimanê Kurdî bê garantikirin,

-          Divê li ser erdnigariya Kurdistanê, ji bo Gelê Kurd, statuyeke siyasi ku di nav de  mafê xwe bixwe birêvebirinê hebe, bê naskirin, ji bo ku em van daxwazan pêkbînin yekhelvestiya xwe ji rayagiştî re birêzdarî diyar dikin. 11.01.2012