Bi
nêzîkbûna hilbijartina giştî ya ku wê di meha Pûşperê de pêk were re,
CHP ji bo dengên Kurdan bigire zend û bendên xwe bada û bi çar gavî
dimeşe. Projeya hilbijartinê ya CHP’ê "Sîgortaya malbatan” bo Kurdî hat
wergerandin, dest bi xebatên vekirina malpera Kurdî kir, ji bo reklamên
Kurdî bi TRT 6 re li hev kir. Herwiha wê hunermend Zuleyha di mitînga
8’ê Adarê ya ku wê Kiliçdaroglu beşdar bibe de stranên Kurdî bibêje.
Piştî 80 sal derbas bûn CHP’ê jî piştî AKP, Kurdî keşif kir. CHP’ê ji
beriya hilbijartinê zend û bendên xwe badan, û projeya ji beriya
hilbijartinê ya "Sîgortaya Malbatan” ku ji aliyê Kiliçdaroglu ve hatibû
ragihandin, wergerandin Kurdî. Wê broşorên vê jî bi taybet li bajarên
Kurdan were belavkirin.
Herwiha hat zanîn ji bo vegotina armanca projeya Sîgorteya Malbatan,
CHP’ê bi TRT-6 re jî li hev kir. Xebatên reklamên Kurdî di bin
koordînasyona Alîkarê Serokê Giştî yê CHP’ê Erdogan Toprak de tên
rêvebirin. Herwiha, hat diyarkirin ku CHP’ê filmên Kurdî jî dan TRT-6.
Dîsa, piştî Serokê Giştî yê CHP’ê Kemal Kiliçdaroglu ji bo weşana Kurdî
ya malpera înternetê ferman da, xebatên hatibûn destpêkirin, didomin.
Hat diyarkirin ku dibe xebatên Kurdî di hefteya pêşiya me de dest bi
weşanê bikin.
Wê Kemal Kiliçdaroglu beşdarî mitînga 8’ê Adarê Roja Jinên Cîhanê ya ku
ji aliyê CHP’ê ve li Mêrdînê tê amadekirin bibe. Hunermend Zuleyha jî bi
Kiliçdaroglu re diçe Mêrdînê û wê di mitîngê de stranên Kurdî bêje.
Kiliçdaroglu serdana xwe ya bo Bexda, Silêmanî, Kerkûk û Hewlêrê û wê di
11-13’ê Adarê de pêk bihata bi hinceta ewlekariyê bo meha Nîsanê paşda
xist.
Bi
nêzîkbûna hilbijartina giştî ya ku wê di meha Pûşperê de pêk were re,
CHP ji bo dengên Kurdan bigire zend û bendên xwe bada û bi çar gavî
dimeşe. Projeya hilbijartinê ya CHP’ê "Sîgortaya malbatan” bo Kurdî hat
wergerandin, dest bi xebatên vekirina malpera Kurdî kir, ji bo reklamên
Kurdî bi TRT 6 re li hev kir. Herwiha wê hunermend Zuleyha di mitînga
8’ê Adarê ya ku wê Kiliçdaroglu beşdar bibe de stranên Kurdî bibêje.
