(
Strana 'Bavê Fexriya' gelek navdar e. Her ne dostan be jî, em dixwazin
vê mehê straneke wisa bi nav û deng bi we bidin zanîn. Kekê we, Salih
Kevirbirî li ser stranê nivîsek nivîsiye û gelek agahî daye hev. Werin
em hin tiştan ji nivîsa wî deynin vir û
dest bi stranê bikin: 'Bavê Fexriya, him serek, him jî mêrxasek ji eşîra
Reşkotan bû. Ji mala Filîtê Quto bû. Navê wî yê rastîn, Sebriyê Hacî
Mihemedê Mistê Quto ye. Navê hespê wî 'Gêjo' bû. Ew û birayê wî Yaho, di
gelek serhildanên Kurdan de cî digrin. Lewma fermana wî radikin bi alî
Sûrî ve. Lê vedigere tê welatê Xerzan. Dibe makûm û qeçax. Fexriya, navê
keça Sebrî ye. Keçikeke Ermen (File) aşiqê wî dibe û stran davêje ser.
Niha jî em bala xwe bidinê ku keçike çi gotiye')
Bavê Fexriya ew bihar e wextê cota Ji xêra mala xweziyê Xwedê re Min serê xwe daniya li ser çoka Bavê Fexriya Min kul û derdê rezîl têr jê re bigota Bavê Fexriya ew bihar e Ji kula dilê min re xweş bihar e Min dît Bavê Fexriya, kekê Yaho, torinê Mala Ezo Ji tilî û pêçiyên xwe birîndar e Ez ê rabim xwe bavêjim tor û bextê Helakêrê File, vî hekîmî Li bextê te û Xwedê me Birînên Bavê Fexriya, kekê Yaho, torinê Mala Ezo Bikewîne bi eşq û dil e Ber û memikên min evdala Xwedê Ji birînên Bavê Fexriya re bike piştderman e Bavê Fexriya heyran li min hatî êvara înê Ez ê rabim cîyê Bavê Fexriya, kekê Yaho, torine Mala Ezo Deynim li koçka jorî, li eywanê, li şaneşînê Ez ê xwe bavêjim tor û bextê Helakêrê file, vî hekîmî Bêjim li bextê te û Xwedê me, birînên Bavê Fexriya bikewîne Ber û memikên min evdala Xwedê Ji birînên Bavê Fexriya re Bike melhema li ser birînê Bavê Fexriya, heyran, bejna te ziraz e ji xoxa xemilandî Min rojê sê car pê girtî ji eşqa dilê rezîl Bi ser xwe de daweşandî Rabe sala îsal bi destê min xemşê, min karxezalê Ji xwe re bigire birevîne Bavêje Xeta Sûrî nav Erebên lêvleqandî
Bavê Fexriya, heyran, çem û çemê Bişêriye Zozan xweş e li arzem îro, li koçeriyê Çi qas zewaca bidil xweş e Li mala bavê, li ser hêwiyê Bi destê min xemşê, min karxezalê Ji xwe re bigire birevîne bibe li ser hêwiyê
Bavê Fexriya, heyran çem û çemê Bişêriyê Kelekvanan kelekê berdane dûv gemiyê Ji xêra mala xweziyê Xwedê re Hikûmeta Cimûriyetê fermana min jî rakira Ez ê çend salekan bir Bavê Fexriya re Bi mehkûmê serê çiyê Min ê pê re serê xwe daniya Li ser dara mîrata modoliyê (cûreyeke tifingê)
Bavê Fexriya, heyran, dora kaniyê dora min e Bila serê heft bavên min bixwe Zendê min tev bazin e Ez çi bikim cêrê avê li milê min e Bavê Fexriya, kekê Yaho, torine Mala Ezo Li binya kaniyê tî ye, ji xwe re li hêviya min e Tirsa min heye ji wê tirsê Yekî derbeke lê xe bejn û bala Bavê Fexriya, heyran, çem û çemê Omeriya Binêre ji xwe re li Sûriyê, li keriyê berx û miya Min dît şeva nîvê şevê, destekî sar ê cemidî Li nava taxima sîng û berê min geriya Min got qey Bavê Fexriya bi xêr û silamet Ji Xeta Sûrî, ji mehkûmiyê, ji firariyê Li ser çavên min ve dageriya Min nizanîbû 'Keçika Şevê' bû, bi min keniya!
