Destana berxwedanê - Ebdurehîmê Mûşî WEDNESDAY, 18 Gulan 2011 16:04
Gelê kurd ceger pola
Li kolan û li çola
Qet natirsin ji romê
Serîhildan wek şêra
Gişt qehreman, leheng in
Lehengê b‘nav û deng in
Dilê zalim de saw in
Ciwan û keç û law in
Çi jin an jî çi mêr in
Hemî leheng wek şêr in
Gel rabûye serhildan
Bênavber, bêrawestan
We nivîsandî „Destan”
Her bijî ew „Berxwedan”
CANFÎDA YÊN LEHEG
Donzdeh bazên azadî
Canfîda nin, canfîda
Namrin tu wextê Şehîd
Dijîn di nava dila
Pehlewan û qehreman
Ewan şêr û Lehenga
Ser qebrê wan biçînin
Deryakî baxê gula
Ez hemûyan Yad dikin
Bi awaza bilbila
FERMANA ZALİMAN
Cardin rakirin ferman
Wan zalimên sîtemkar
Zalim fîxanekî xist
Nava dilên birîndar
Donzdeh cîger qetandin
Ji nav baxçe yê gulan
Pêt û agirek dijwar
Berdan dilê dayîkan
Dil û cîger peritîn
Bû fîxana bilbilan
Gelê me reş girêdan
Hêstir ji çav bariyan
Gel di nava agir da
Pêta agir di dil da
Ji fîxan û girînê
Hêstirê çavan gul dan
Ji wî ezmanê bilind
Donzdeh stêrk vemirîn
Şîn û xişmekî mezin
Kirin nav dilê kurdan
Hêsrê dayîkan rijand
Cerg û hinavan pijand
Zalim: Dilê gelê kurd
Mînanî findê heland.
Ebdurehîmê Mûşî
Almanya, 16.05.2011
dengbej@hotmail.de