Bi jînê şa nebûn

Hinek pûç bûn

Di Helepçê de hinek kor..

Hinarkên ruwa sor sor

Ji heyva nîsanê nêrgiz

Bilbizêq

Û beybûn

Tev..zarok bûn..

Tev zarok bûn,tev de jin

Bi jahra xerdelê mirî..

Dilê min perçe perçe

Dilê min parî parî

Bi adarê re bihar digirî

Li sikakên Helepçe

Û ez

Helbestkarek im di hêlekê de

Birînên min Nagazakî

Êşa’m piç-piç Hîroşîma

Bi dû ewrên jahrî tiştek nema

Di Helepçe de ji nêrgiza

Ji bilbizêqa

Ji beybûna..

Arjen ARÎ