Biratîya Deve û berfê Deve û berf bûbûn bira.
Devê ji berfê re gotibû :
- Ez û tu birayên hev ên axretê ne. Lê gava ku tu hatî, ji min re dibêje ji bona ku ez birevim, xelas bibim.
Berfê gotibû :
- Wey ser çavê min! Gava ku ez werim ez ê ji te re bibêjim.
Rojekê berf hat ser çiyayê Begokê, deve ji xwe re bêtirs diçêrîya.
Di dilê xwe de digot :
- Berf birayê min e. Ez ê ji xwe re têr biçerim.
Roja din, berfê girt ser devê. Devê serê xwe bilind kir, got :
-Ka biratîya te?
Berfê jî got :
- Qey tu kûr buyî? Te serê xwe bilind bikira, te dît çiya sipî bû, tu birevîya, xelas bibûya.