Ji serokê milet ra - Forum
Main Registration

Login

Welcome Guest | RSSSaturday, 2016-12-10, 11:42 AM
[ New messages · Members · Forum rules · Search · RSS ]
Page 1 of 11
Forum » Helbest » Helbest » Ji serokê milet ra
Ji serokê milet ra
volongotoDate: Thursday, 2011-08-04, 8:24 PM | Message # 1
Major general
Group: Administrators
Messages: 457
Reputation: 0
Status: Offline
Ji serokê milet ra :Férikè Usiv



Me mal-miletî nekir şîn-girî,

Şîna şehîdîya te Merdemêrî.

Me li roja ava nihêrî,

Wekî ku emir dide rojek din,

Me li toximê şova nihêrî,

Wekî ku zevîya dide gîhandin.

Me li serê wan lawa nihêrî,

Ji kîjana ra dibên Barzanî

Û me bi sebirê girî guherî,

Me bi hêsira nekir arzanî…



Bira ew milet hêsiran birêje,

Yê ku nikare birêje xûnê,

Yê ku çewdera rizî davêje,

Dixweze gênim hilîne şûnê…



Lê me aqa xûn meydanan da rêt,

Wekî em pê da bûne Cegerxûn,

Em bûne Hejar, Şivan, Celadêt,

Xoşnav, Xêrûlle, Leylê û Mehmûd.

Em bûne lawê wan dayîkên tên,

Ku tûrr vedide herke bîst berî,

Û miletê me nav sur û şextê

Ragihîşte çil mîlîyon neferî…



…Bele li serê me ket, lê em nagirîn,

Şîna te nakin, bavê cimetê,

Emê mînanî kurikê dêmbirîn

Bigrîn, bikenin ber hemêza dê:



Dayka Kurdistan… kengê xwe ragirt,

Kengê merema te hate sêrî,

Hingê wê nava şaya meye gurr

Bihele şîna te merdemêrî.
 
Forum » Helbest » Helbest » Ji serokê milet ra
Page 1 of 11
Search:

Copyright MyCorp © 2016